Adobong Baboy at Patatas Recipe

Sa isang kaldero, ipagsama ang mga ito: baboy, suka, toyo, bawang, paminta, at bay leaves. Ibuhos ang tubig hangga't umabot at matabunan ang baboy. Dagdagan kung kailangan pa ng tubig. Ilagay ang takip ng kaldero. 

Pakuluin ito hanggang malapit na maging malambot ang baboy. Kapag malapit na maging malambot ang baboy, ilagay ang patatas kasama ang baboy. Takpan, pakuluin muli, at lutuin hanggang maging malambot ang baboy at patatas. Dagdagan ng tubig kung mukhang matutuyo ito at hindi pa rin lumalambot ang baboy o ang patatas. 

Kapag malapit na maging parehong malambot ang baboy at patatas, tanggalin ang takip at lakasan ang apoy para maging sarsa ang sabaw. Ihain ang adobo kapag malambot na ang baboy at patatas at naging malapot na ang sarsa.