Adobong Baboy Na Tuyo Recipe

Sa isang kaldero, ipagsama ang mga ito: baboy, suka, toyo, bawang, paminta, bay leaves, at kamatis. Ibuhos ang tubig hangga't umabot at matabunan ang baboy. Dagdagan kung kailangan pa ng tubig. Ilagay ang takip ng kaldero. 

Pakuluin. Iluto ito hanggang maging malambot ang baboy. Dagdagan ng tubig kung mukhang matutuyo ito at hindi pa rin lumalambot ang baboy. 

Pag malambot na ang baboy, tanggalin ang takip, tanggalin ang mga baboy, at pakuluin ang sabaw hanggang maging sarsa. Habang pinakukulo ang sarsa, mag-init ng mantika sa kawali. Ilagay ang pinalambot na baboy at iprito hanggang magkulay ang mga ito. Ibablik sa sarsa ang baboy at ihalo sa natitirang sarsa. Ihain kasama ang mainit na kanin.