Bacon Liempo Recipe - Paano Lutuin At Mga Sangkap

Sa maliit na mangkok, paghaluin ng maigi ang tubig, suka, paminta, liquid seasoning, at bawang. Itabi.

Sa isang malaking plastic na lalagyan, ilatag pahaba ang liempo slices. Ibuhos ang timpla at iwan sa loob ng refrigerator ng ilang oras o magdamag.

Kapag handa nang lutuin, salain ang timpla at dampian ng paper towels hanggang matuyo.

Initin ang mantika sa malaking kawali at prituhin ang liempo slices hangga’t maging golden brown at lumutong. Iahon at ipatong sa paper towels upang matanggal ang sobrang mantika. Ihain ng mainit.