Bam-I (Pancit Bisaya) Recipe - Paano Lutuin At Mga Sangkap

Dikdikin ang ulo ng hipon sa almires o pandikdik, lagyan ng ¼ tasa ng tubig, at pigain para lumabas ang katas. Itabi ang katas ng ulo ng hipon. Gagamitin ito sa pagluluto mamaya.

Magpainit ng mantika sa kawali gamit ang katamtamang init, pagkatapos ay igisa ang bawang at sibuyas. Idagdag ang laman ng baboy at igisa sa karagdagang 2 hanggang 3 minuto. Idagdag ang petso ng manok, hipon, at hiwang chorizo. Hayaang maluto ng 2-3 minuto. Isunod ang repolyo, karots, chicharon, at tenga ng daga, tsaka haluin ng isang minuto.

Ibuhos ang katas ng ulo ng hipon at lagyan ng tubig, hayaang kumulo bago lagyan ng bouillon cube at toyo.

Isama ang pancit canton at haluing mabuti hanggang lumambot ito (maaaring lagyan ng tubig kung kinakailangan), pagkatapos, ilagay ang sotanghon at haluin mabuti. Timplahan at budburan ng kinchay, pritong bawang, sibuyas na mura, at samahan ng kalamansi kapag ihahain.