California Maki Recipe - Paano Lutuin At Mga Sangkap

Paghaluin ang suka, asukal at asin.

Kapag luto na ang kanin, ilagay ito sa isang maliit na mangkok.

Ibuhos ang tinimplang suka sa kanin at haluin gamit ang isang kahoy na sandok. Habang hinahalo ay importanteng paypayan ang kanin upang lumamig. Ito ang makakapagpakintab sa kanin at maiiwasang ang pagiging malabsak. Takpan ng mamasa-masang tela at itabi.

Ihanda ang roll: Ilapat ang sushi mat sa lamesa. Hatiin ang nori at ilagay sa ibabang bahagi ng sushi mat. Bahagyang basain ang inyong kamay at kumuha ng kaunting kanin. Ikalat ang kanin sa nori. Budburan ng masago at ikalat ng pantay sa kanin. Baligtarin ang nagawang kanin na may budbod ng masago.

Habang nakaharap pababa ang kanin at masago, ilatag ang manga, kani at pipino sa ibaba ng nori.

Para mai-rolyo, ilagay ang hinlalaki sa ilalim ng bamboo mat at gamitin ito para maiangat ang mat at kanin sa ibabaw ng palaman, habang ginagamit ang ibang daliri para hawakan ito. Gamitin ang sushi mat para mairolyo hanggang sa dulo ng nori. 

Diinan ang sushi mat para humigpit ang rolyo. Dahan-dahan itong tanggalin sa sushi mat. Gumamit ng matalas na kutsilyo upang hiwain ang sushi roll.