Chicharon Bulaklak Recipe (Tagalog Version)

IMAGE Majoy Siason

Ang Pinoy street food na ito ay kalimitang kinakain bilang pampagana bago ang tanghalian o hapunan. Kalimitan din itong ihinahaing may kasamang suka. Medyo matagal at masinsin ang paghahanda, pero itong malutong na bituka ng baboy ay talagang  masarap kainin.

Paano gawing malutong ang chicharon bulaklak?

Pinakamahalaga sa pagluluto ng meriendang ito ay ang paglilinis at pagpapakulo sa bituka ng baboy. Ang pinakamadaling paraan ay ang paghiwa ng bulaklak para mas mabilis itong maluto. Isa pang paraan ay patuyuin ang bituka matapos itong pakuluan at bago ito iprito para maging talagang malutong ang chicharon.