Chicken And Shrimp Pad Thai-Style Noodles Recipe - Paano Lutuin At Mga Sangkap

Sa saucepan, initin ang kalahati ng mantika. Idagdag ang balat ng hipon at lutuin hanggang sa magkulay matingkad na orange ang mga balat. Ibuhos sa tubig. Pakuluin ng 1 hanggang 2 minuto o hanggang sa malipat ang kulay ng mga balat sa tubig. Alisin at itapon ang mga balat gamit ang slotted spoon. Idagdag ang matamis na sampalok (lagyan ng ½ tablespoon na asukal kung hindi matamis). Pakuluan ulit habang hinahalo at pinipiga ang sampalok para lumabas ang lasa at sapal nito sa tubig. Pakuluin hanggang sa lumapot ang tubig at mag-mukhang sarsa ang tinimpla (mga ½ cup). Alisin at itapon ang mga buto at tangkay. Ihalo ang 1 tablespoon na patis, at itabi.

Samantala, magpakulo ng isang kaldero ng tubig. Pakuluin sa mas mahinang apoy, at idagdag ang flat rice noodles, lutuin hanggang sa lumambot ang rice noodles. Alisan ng tubig, at panatiliing mainit. Itabi.

Initin ang natitirang mantika sa wok sa medium heat. Igisa ang sibuyas tapos, ang bawang hanggang sa lumambot. Idagdag ang manok, at igisa hanggang sa maluto, habang hinahalo. Lagyan ng kaunting asin at pamintang durog. Itulak ang mga sangkap sa gilid ng wok at ilagay ang itlog. Lutuin, haluin, at lagyan ng kaunting asin at pamintang durog hanggang sa maluto. Idagdag ang hipon, at lutuin hanggang magka-kulay ang parehong panig.

Ilagay ang piniritong tokwa at lutong rice noodles sa wok. Ibuhos ang sarsa gawa sa sampalok, at haluin. Idagdag ang kalahati ng mani, togue, red pepper flakes, at sibuyas na mura at haluin.

Ilipat sa plato, at lagyan sa taas ng sibuyas na mura, red pepper, at mani. Ihain kasama ng kalamansi at iba pang mga garnish: red pepper flakes, sibuyas na mura, asukal, at mas marami pang kalamansi at mani sa gilid.