Crispy Pata Recipe - Paano Lutuin At Mga Sangkap

Gumawa ng tatlong hiwa sa baboy. Ilagay ang baboy sa malalim na kaldero kasama ang soft drinks, laurel, bawang, isang tablespoon na asin, at itim na paminta. Punuin ng tubig hanggang sa matakpan ang baboy. Pakuluan ito. Kapag kumulo na, hinaan ang apoy at lutuin ng isang oras hanggang sa lumambot ang baboy.

Tanggalin ang baboy sa kaldero at itapon ang tubig. Palamigin ang baboy sa wire rack.

Patuyuin ng mabuti ang baboy gamit ang mga paper towel. Lagyan ito ng maraming asin at garlic powder. Balutin ng mahigpit gamit ang plastic wrap at ilagay sa freezer ng buong magdamag.

Pag handa ng magluto, mag-init ng langis sa malalim na kaldero hanggang sa maging 350?F sa thermometer. Ilagay ang baboy galing sa freezer sa kaldero. Takpan ang kaldero (tatalsik ang langis). I-prito ang isang panig ng sampung minuto o hanggang maging ginintuan at malutong.

Gawin naman ang sawsawan: Ipagsama-sama lahat ng sangkap sa mangkok. Haluin hanggang sa matunaw ang asukal. Tikman para maayos ang timpla ng naayon sa kagustuhan.

I-prito naman ang kabilang panig ng baboy. Takpan ang kaldero at i-prito ng sampung minuto o hanggang maging ginintuan at malutong.

Tanggalan ng sobrang langis ang Crispy Pata gamit ang mga paper towel. Ilipat sa pinggan at ihain ng buo o tanggalin ang karne mula sa buto at hiwain ng tig 2-inch na piraso. Ihain agad kasama ang sawsawan.