Kapampangan Chicken Asado Recipe (Tagalog Recipe)

Ibabad ang hiwang manok sa katas ng kalamansi at toyo. Ilagay sa refrigerator ng 4 na oras.

Painitin sa katamtamang apoy ang mantika at mantikilya sa isang kasirola. Iprito ang manok sa loob ng 4-5 minuto kada gilid o hanggang sa maging mapula ang balat. Hanguin ang manok at itabi.

Sa parehong kasirola, igisa ang sibuyas, bawang, dahon ng laurel, at kamatis. Hayaang kumulo ng 3-4 na minute, at lagyan ng toyo at pulang asukal at haluing mabuti.

Ibalik ang manok sa kasirola at pakuluan ng 10-12 minuto o hanggang maluto nang tuluyan ang manok. Dagdagan ng mantika ng atsuete at timplahan ayon sa inyong panlasa.