Lechon Kawali Binagoongan sa Gata Recipe - Paano Lutuin At Mga Sangkap

Gawin ang lechon kawali: Ilagay ang pork belly at asin sa isang malaking kaldero. Lagyan ng sapat na tubig para lumubog ang karne. Pakuluan sa loob ng 1 oras o hanggang sa lumambot ang karne na natutusok ng tinidor. Hanguin ang karne sa tubig at punasan para matuyo. Itabi ang ½ tasa ng sabaw ng pinaglagaan.

Gawin ang sarsa ng binagoongan: Painitan ang mantika sa kawali. Igisa ang sibuyas at bawang hanggang sa lumabas ang amoy. Idagdag ang kamatis at igisa hanggang sa lumambot. Idagdag ang bagoong at iluto sa loob ng 1 minuto.

Idagdag ang sabaw na pinaglagaan at suka. Lutuin nang hindi hinahalo sa katamtamang apoy sa loob ng 5 minuto o hanggang sa mawala ang pagkaasim ng suka.

Idagdag ang talong, kakang gata at siling pansigang. Pakuluan hanggang sa lumapot sa loob ng 8 minuto. Timplahan ng paminta.

Painitan ang mantika sa isang malalim na kaldero. Iprito nang lubog sa mantika ang pork belly hanggang sa maging malutong. Gumamit ng paper towel upang masala ang sobrang mantika.

Sa paghahain, ilagay ang kalahati ng sarsa sa platong panghain at ayusin ang lechon kawali sa ibabaw. Ibuhos ang natitirang sarsa.