Sinigang na Baboy Recipe (Tagalog Recipe)

Wala nang makapipigil sa’yo na lutuin ang paborito mong comfort dish.
sinigang na baboy in a bowl
Photo by Yummy.ph

Ang sinigang ay isa sa mga pinakapaboritong comfort dish ng mga Pilipino. Hindi nakapagtataka dahil bukod sa napakasarap nito, napakadali ring matuto kung paano magluto ng sinigang na baboy! Isa ito sa mga unang recipe na sinusubukang lutuin ng mga baguhan sa kusina.

Isa sa mga dahilan kung bakit popular ang sinigang na baboy sa mga Pinoy ay dahil napakasimple ng preparasyon nito. Kahit kakaunti lang ang sangkap ng sinigang na baboy, napakalinamnam nito! Nakatatakam at napakasarap iulam sa mainit na kanin.

Kung sakaling kulang ang iyong sangkap sa sinigang na baboy recipe na ito, maraming pwedeng ipamalit sa mga ito. Halimbawa, kung walang mahanap na baboy na sinigang cut, maaaring gumamit ng ibang parte ng baboy, katulad ng kasim, liempo, pigue, pork ribs, o di kaya’y kombinasyon ng mga ito.

Para naman sa pampaasim, hindi lang sampalok o tamarind and maaaring gamitin! Ang kamias, kamatis, bayabas, at hilaw na mangga ay iilan lamang sa mga sangkap na makakapagpaasim ng sinigang.

Sinigang na Baboy Recipe (Tagalog Recipe)

Lhas Alvarez
Wala nang makapipigil sa’yo na lutuin ang paborito mong comfort dish.
Prep Time 10 minutes
Cook Time 2 hours
Resting Time 30 minutes
Total Time 2 hours 10 minutes
Course Main Dishes
Cuisine Filipino
Servings 2-3

Ingredients
  

Sinigang na Baboy Ingredients (Tagalog Ingredients)

  • 500 Grams pork sinigang cut
  • water pang kulo
  • 1 medium tomato nakahiwa sa apat na piraso
  • 1 Small white onion nakahiwa sa apat na piraso
  • 1 Cup taro (gabi) nakahiwa
  • 3-4 tablespoons Sinigang Na Gabi Mix
  • 1 piece green chili (siling pangsigang)
  • 1-2 tablespoons fish sauce (patis)
  • 1/2 Cup sitaw (green beans) nakahiwa ng 2-inch na haba
  • 1/4 Cup radish (labanos) nakahiwa
  • 1/2 Cup okra
  • 2 cups kangkong leaves or water spinach leaves hinugasan at naka-trim
  • Salt

Instructions
 

  • Ilagay ang karne, kamatis, at sibuyas sa kaserola na may tubig, at ang karne ay nakalubog sa tubig. Kapag kumulo, hinaan ang apoy, at hayaan ito sa loob nang 1-1 ½ oras o hanggang sa lumambot ang karne. Salain ang ibabaw ng tubig at alisin ang anumang dumi. Pwedeng magdagdag ng tubig kung kinakailangan.
  • Pagkatapos lutuin ang karne nang 30 minuto, idagdag ang hiniwang gabi. Kapag malambot na ang karne, idagdag na ang sinigang mix at siling tagalog o green chili, at pakuluan nang 5 minuto. Idagdag ang sitaw, labanos, at okra, at pakuluan ulit nang 5 minuto.
  • Timplahan ng patis, saka idagdag ang dahon ng kangkong, at pakuluan sa loob ng 2-3 minuto. Iayon ang timpla sa panlasa. Ihain habang mainit pa.
Keyword Tagalog
Tried this recipe?Let us know how it was!
CONTINUE READING BELOW

Most Popular Recipes

Close
Close
My Agile Privacy
We use cookies to ensure you get the best experience on Yummy.ph. By continued use, you agree to our privacy policy and accept our use of such cookies. Find out more here.
Warning: some page functionalities could not work due to your privacy choices