Ube Macapuno Cake Recipe - Paano Lutuin At Mga Sangkap

Pahiran ng mantika at budburan ng harina ang ilalim ng dalawang 9x2 pulgadang bilog na hulmahan ng cake.

Batihin ang cake flour, asukal, baking powder, at asukal sa isang malaking mangkok hanggang magsama ang mga sangkap. Idagdag ang pula ng itlog, mantika, gatas, at ube flavoring; batihin hanggang maging pino. Sa isa pang mangkok, batihin ang puti ng itlog hanggang bumula at malapit nang magkaron ito ng peaks. I-fold ang puti ng itlog sa ube mixture nang dalawang beses. Hatiin sa dalawa para sa dalawang hulmahan.

Lutuin sa oven sa init na 350°F sa loob ng 20 hanggang 25 na minuto. Pagkahango, palamigin muna sa loob ng 3 minuto ang cake (o hintaying umimpis ang ibabaw ng keyk). Baliktarin ang cake at tsaka hayaang lumamig. Ngunit kung tila matatanggal ang cake sa hulmahan kapag binaliktad, palamigin na lang ito nang nakatayo.

Gawin ang icing: sa lagayan na kasama ng electric mixer na may kasamang whisk attachment, batihin ang krema hanggang bumula at magkaron ng kainamang peaks ito. Dahan-dahang lagyan ng tig-iisang kutsarang asukal. Idagdag kasunod ang ube flavoring.

Buuin ang cake: hiwain ang ibabaw ng mga cake upang maging pantay ang taas. Isantabi ang mga pinaghiwaan ng cake at ilagay sa isang food processor upang maging butil-butil ito.

Ilagay ang unang patong ng cake sa ibabaw ng lagayan ng cake. Lagyan ng kulang-kulang 1 tasa ng whipped cream sa ibabaw ng keyk at ikalat ito gamit ang offset spatula. Patungan ng 1/3 hanggang ½ na tasa ng macapuno ang whipped cream. Ipatong ang isa pang cake, pahiran ng natitirang whipped cream ang ibabaw at gilid ng cake.

Budburan ng mga piraso ng ube cake ang ibabaw ng Ube Macapuno cake. Kung may natitira pang krema, gamitin ito para lagyan ng dekorasyong icing ang kabilugan ng cake. Paibabawan ng macapuno. Ilagay ito sa gitna ng cake, sa loob ng dekorasyon. Ilagay sa refrigerator nang 2 oras bago ihain.