Pochero Recipe - Paano Lutuin At Mga Sangkap

Sa malalim na kaldero, initin ang mantika, igisa ang sibuyas at bawang.

Ilagay ang baboy, baka at manok. Idagdag ang kamatis at hayaang maluto hangga't ma-prito ng bahagya ang lahat ng mga karne.

Ilagay ang patis at hayaang kumulo ng 3-5 minuto.

Ibuhos ang tubig at takpan ang kaldero. Pakuluan hanggang lumambot ang karne, mga 30-40 minuto.

Ihalo ang patatas at tomato sauce at pakuluan ng 5-6 minuto.

Timplahan ng asin o patis ayon sa iyong panlasa.

Idagdag ang saging na saba at antaying lumambot.

Ilagay ang pechay at repolyo, patayin ang apoy at takpan. Hayaan ng 5 minuto sa loob ng kaldero.

Ihain ng may ka-ternong inihaw na talong (tinadtad) at bagoong.